डुम्रेमा कारले पैदल यात्रीलाई ठक्कर दिँदा दुई महिला घाइते, पोखरा रिफर
तनहुँको बन्दीपुर गाउँपालिका–१ स्याउलीस्थित पृथ्वीराजमार्गमा दमौलीबाट डुम्रे तर्फ जाँदै गरेको बा.प्र.०१–०२७ च ७४६४ नम्बरको कारले नियन्त्रण गुमाई पैदल यात्रीलाई ठक्कर दिएको छ। कारको ठक्करबाट लिला जौशी (३८ वर्ष)म्याग्दी, धौलागिरी गाउँपालिका–७ चोट: कम्मर मुनी चोट, अवस्था मध्यम र लिला सुवेदी (३८ वर्ष)बेनी नगरपालिका–२ चोट: दाहिने खुट्टामा चोट, अवस्था मध्यम रहेको जिल्ला प्रहरी कार्यालय तनहुँले जनाएको छ ।
घटना लगत्तै कार तथा चालकलाई प्रहरी चौकी डुम्रेले नियन्त्रणमा लिएको जनाएको छ। दुवैजनालाई प्रारम्भिक उपचारका लागि लक्ष्मी सिटी अस्पताल डुम्रे लगिएको र अहिले पाेखरामा उपचार भइरहेको जनाइएको छ ।
