दमौलीबाट दिनदाहडै पल्सर बाइक चाेर्ने व्यक्तिलाई तनहुँ प्रहरीले २४ घण्टा भित्र समात्याे

दमाैलीबाट दिनदहाडै पल्सर बाइक चोरेर भाग्ने एक व्यक्तिलाई तनहुँ प्रहरीले २४ घण्टा भित्र समातेको छ । जिल्ला प्रहरी कार्यालय तनहुँका प्रमुख एसपी बीरेन्द्र बहादुर शाहीको उत्कृष्ट अनुसन्धान र निगरानी तथा भाग्न सक्ने सम्भावित ठाउँहरूमा प्रहरी परिचालन र घेराबन्दीका कारण चाेरीमा संलग्न व्यक्तिलाइ २४ घण्टा भित्र पक्राउ गर्न प्रहरी सफल भएको हाे । चाेरीमा संलग्न आराेपमा पक्राउ पर्नेमा एक बालक रहेका छन् ।

निजलाई चोरी सम्बन्धी मुद्दा शीर्षकमा तनहुँ जिल्ला अदालतबाट म्याद गरी थप अनुसन्धान भईरहेको जिल्ला प्रहरी कार्यालय तनहुँका प्रमुख एसपी बिरेन्द्र शाहीले बताए । बजारबाट बाइक हराएको सुचना पाउनासाथ प्रहरी परिचालन र उच्च निगरानी पश्चात् २४ घण्टा भित्र चाेरी भएको बाइक र संलग्न व्यक्तिलाई पक्राउ गरेको शाहीले जानकारी दिए ।

उनलाई प्रहरीले जिल्लाको व्यास नगरपालिका–१३ पोखरीभञ्याङमा फेला पारेको थियो ।
व्यास नगरपालिका–३ स्थित कोष तथा लेखा नियन्त्रक कार्यालय अगाडी सडकमा पार्किङ गरी राखेको अवस्थामा ग १७ प ४६६ नंम्बरको पल्सर मोटरसाईकल चोरी भएको थियो । 
भानु नगरपालिका–९ निवासी श्याम खाती क्षेत्रीको नाममा दर्ता बजाज कम्पनीको उक्त मोटरसाइकल सहित भेटिएको हो । यस अगाडि पनि तनहुँ प्रहरीले अन्यत्रबाट चाेरी गरि जिल्लाकाे बन्दीपुर आसपास ल्याएका बाईक तथा चाेरीमा संलग्न व्यक्तिहरू पक्राउ गरेको थियो ।