झुल बहादुर आले स्मृति प्रतिष्ठान द्वारा असहाय तथा मानसिक अपांगता भएकालाई खाद्यान्न वितरण

झुल बहादुर आले स्मृति प्रतिष्ठानले ऋषिङ गाउँपालिका–७ का असहाय तथा मानसिक अपाङ्गता भएकाहरुलाई खाद्यान्न वितरण गरेको छ । प्रतिष्ठानले दसैको अवसर पारेर ६ जनालाई खाद्यान्न वितरण गरेको प्रतिष्ठानका अध्यक्ष एवम् स्वर्गीय झुलबहादुर आलेका कान्छा छाेरा कमल बहादुर आलेले बताए । 

उनीहरुलाई २९ हजार रुपैया बराबरको सहयोग गरिएको उनलेे जानकारी दिए । संविधानसभा सदस्य स्वर्गीय झुलबहादुर आलेको योगदानलाई चीरस्थायी बनाउन झुलबहादुर आले स्मृति प्रतिष्ठान स्थापना गरिएको छ । सोही प्रतिष्ठानबाट सामाजिक कामलाई निरन्तर अगाडी बढाइएको अध्यक्ष आलेले बताए । प्रतिष्ठानले यसअघि पनि विभिन्न समयमा विभिन्न व्यक्तिहरूलाइ सहयोग गर्दै आएकाे छ ।
यस्तै प्रतिष्ठानका अध्यक्ष कमलबहादुर आलेले व्यक्तिगत रुपमा ‘नेपालमा ऋषिङको परिचय’ नामक पुस्तक प्रकाशन गर्न लागेका छन् । पुस्तकमा ऋषिङको ऐतिहासिक, सांस्कृतिक, धार्मिक स्थलहरुको बारेमा समेटिने भएको छ । पुस्तक प्रकाशित गरी विक्री हुने रकमबाट ऋषिङ गाउँपालिकाभित्र रहेका असहाय नागरिकको व्यवस्थापन गर्ने लक्ष्य राखिएको आलेले बताए । उनले भने, “पालिकाका सबै वडामा रहेका असहाय ज्येष्ठ नागरिक र सहाराविहिन बालबालिकालाई साहारा दिने लक्ष्य राखेको छ । पुस्तक विक्री गरी आउने रकम कोष बनाएर वार्षिक रुपमा नै सहाराविहिनलाई आश्रयस्थलको व्यवस्था गर्नेछु ।”