मुग्लिन पाेखरा सडक खण्डकाे मन्त्री महासेठले गरे अनुगमन
मुग्लिन पोखरा सडक विस्तार योजना अन्तर्गत पूर्वी खण्डकाे उपप्रधान तथा भौतिक पूर्वाधार मन्त्री रघुवीर महासेठले अनुगमन गरेका छन् । सनिवार महासेठले मुग्लिन देखि डुम्रे सम्मको बाटोमा अनुगमन गरेका थिए । साे क्रममा मन्त्री महासेठले कामको प्रगति तथा अफ्ट्यारोकाे बारेमा बुझ्दै कामलाई तिव्र गतिमा अगाडि बढाउन निर्देशन दिएका थिए ।
मन्त्री ज्यु नागढुंगा सडक खण्डको अनुगमनमा निस्केको बेलामा डुम्रे सम्म आउनुभएकाे पूर्वीखण्डका इन्जिनियर विष्णुप्रसाद पाण्डेले बताए । आौपचारिक कार्यक्रम नभए पनि कामको बारेमा चासाे राख्दै मन्त्री ज्यु ले पुर्वी खण्डको काम सन्तोषजनक रहेको बताउनुभयो पाण्डेले भने । साे अवसरमा बिभागका डिजि , मन्त्रालयका सचिव , जिल्ला प्रहरी कार्यालय तनहुँका प्रमुख एसपी अपिल राज बाेहाेरा लगायतको उपस्थिति रहेको थियो ।
आयाेजनाकाे तनहुँको आँबुखैरेनीदेखि जामुनेसम्मको पूर्वीखण्डमा ५६ र जामुनेदेखि पोखरासम्मको पश्चिम खण्डमा २३ प्रतिशत प्रगति भएकाे छ । यो खण्डमा विसं २०७७ माघ १७ गते सम्झौता भई २०७८ वैशाख २ गतेदेखि काम सुरू भएको थियो ।
पूर्वीखण्डमा निर्माणको काम चाइना कम्युनिकेशन कन्स्ट्रक्सनले गरिरहेको छ । सो खण्डअन्तर्गत आँबुखैरेनी, बन्दीपुर, व्यासका विभिन्न ठाउँमा गरी १८ किलोमिटर दुईतर्फी र नौ किलोमिटर एकतर्फी सडक कालोपत्र भइसकेको छ ।
पश्चिम खण्डको जामुनेदेखि पोखरासम्मको ३८ किलोमिटर दूरीमध्ये हालसम्म नौ किलोमिटर एकतर्फी कालोपत्र सकिएको र यस खण्डमा २० किलोमिटर सडक छ लेनको हुने छ ।
पश्चिमखण्डका तनहुँको म्याग्देखोला, कुम्लेखोला, कोत्रेको सेती नदी र विजयपुलमा प्रिकाष्ट प्रविधिबाट पुल निर्माणको काम अगाडी बढाइएको छ ।
यस खण्डमा निर्माण अवधि विसं २०८१ भदौ १२ गतेसम्म छ । यो खण्डमा निर्माणको काम चिनियाँ कम्पनी यनहुइ काइयुयान हाइवे एन्ड ब्रिज कन्सट्रक्सनले गरिहरेको छ ।
