म्याग्दे गाउँपालिका स्तरीय राष्ट्रपति रनिङ सिल्ड प्रतियोगिताकाे उपाधि मीन मावि लाइ
म्याग्दे गाउँपालिका स्तरीय राष्ट्रपति रनिङ सिल्ड प्रतियोगिताकाे उपाधि मीन मावि थर्पुले जितेको छ ।
राधा माध्यमिक विद्यालयको खेलमैदान म्याग्दे-२ दमसेरामा आइतबार सम्पन्न प्रतियोगितामा मीन माविले ५ रजत , ३ कास्य सहित १७ स्वर्ण जितेर प्रथम भएको हाे । यस्तै प्रतियोगितामा ९ रजत र ९ कास्य सहित ५ स्वर्ण जित्दै राधा मावि जामुने द्धितीय भएको छ । यस्तै जनगणपती माविले ९ कास्य , ५ रजत सहित ३ स्वर्ण जितेर तृतीय भएको म्याग्दे गाउँपालिका शिक्षा शाखा प्राविधिक सहायक महेश भट्टराईले बताए ।
प्रतियोगितामा महेन्द्र माविले ३ कास्य , ४ रजत सहित १ स्वर्ण , गणेश माविले ३ कास्य , २ रजत सहित १ स्वर्ण , रत्न माविले ३ स्वर्ण , मेघदह बाेडिङले २ कास्य १ रजत र आदर्श बाेडिङले १ रजत सहित १ स्वर्ण जितेको भट्टराईले जानकारी दिए ।
उक्त प्रतियोगितामा छात्र/छात्रा भलिवल, छात्र/छात्रा दौड, उफ्रने र फ्याक्ने, छात्र/छात्रा हाइजम्प, लङजम्प, त्रिपलजम्प, ज्याभलिङ थ्रो तथा सटफुट र मार्सल आर्ट तर्फ छात्र र छात्राहरुको विचमा सितेरियो कराँते लगायतका प्रतियोगिता भएको शिक्षा शाखा प्रमुख विष्णु केसीले बताए । प्रतियोगितामा बिजेता टिमलाई म्याग्दे गाउँपालिकाका अध्यक्ष श्रीप्रसाद श्रेष्ठ लगायतले पुरस्कार वितरण गरेका थिए । उक्त अवसरमा वडा अध्यक्षहरू क्रमशः मणिभद्र वाग्ले , दिपक श्रेष्ठ , हिरालाल गुरूङ लगायतको उपस्थिति रहेको थियो ।
