म्याग्देका किसानलाई कृषि मेसिनरी मर्मत सम्बन्धी १५ दिने तालिम
तनहुँकाे म्याग्दे गाउँपालिकाले आफ्ना किसानहरू लाई कृषि मेसिनरी मर्मत सम्बन्धि १५ दिने तालिम दिएकाे छ । २५ जना कृषक सहभागी रहेको तालिम साेमबार सम्पन्न भएको छ । तालिममा सहभागीहरूलाइ एक कार्यक्रमका बिच म्याग्दे गाउँपालिकाका अध्यक्ष श्रीप्रसाद श्रेष्ठले प्रमाणपत्र वितरण गर्दै सिकेको सीप व्यवहारमा उतार्नुपर्ने बताए । कार्यक्रममा म्याग्दे ३ का अध्यक्ष दुकराज अधिकारी , कृषि शाखा प्रमुख रूक्मिता घिमिरे लगायतले कृषकहरूकाे लागि तालिम निकै महत्त्वपूर्ण रहेको बताएका थिए ।
तालिम लिन पाउँदा कृषकहरू खुसी भएका छन् । तालिमले घर गाउँमा कृषि मेसिनरी बिग्रेर टाढा टाढा मर्मतका लागि लानुपर्ने दुखकाे अन्त्य गराएको भन्दै अब आँफैले मर्मत गरेर चलाउन सकिने बताएका थिए ।
