दमाैलीका आरसी गौलीको “पैसा” शीर्षकको म्युजिक भिडियो सार्वजनिक

तनहुँकाे दमाैलीमा रहेर क्रियाशिल गायक आरसी गौलीको प्रस्तुति रहेको “पैसा” शीर्षकको म्युजिक भिडियो हालै सार्वजनिक भएको छ । भिडियो सर्जन थापा मगरको निर्देशनमा तयार पारिएको छ, जसमा प्रेम र पैसाबीचको संवेदनशील सम्बन्धलाई प्रस्तुत गरिएको छ।

भिडियोमा एक प्रेमी युगलको भावनात्मक सम्बन्ध देख्न सकिन्छ जसमा आर्थिक पक्षले कसरी प्रभाव पार्न सक्छ भन्ने कुरा झल्काइएको छ। मनमोहक प्राकृतिक दृश्य र कलाकारहरूको जीवन्त अभिनयले भिडियोको स्तरलाई अझ स्तरीय बनाएको देखिन्छ।

आरसी गौली र चर्चित गायिका देवी घर्ती मगरको आवाजमा तयार “पैसा” म्युजिक भिडियोमा दर्शकले सामाजिक यथार्थता, प्रेम र महत्वाकांक्षाको द्वन्द्वलाई देख्न सक्नेछन्। भिडियोको छायांकन, सम्पादन र संगीत संयोजन समेत निकै सशक्त देखिएको छ।

मन्दिरा केसी गौली र गायक स्वयम् आरसी गौलीको अभियनय रहेको म्यूजिक भिडियो RC Gauli यूट्यूव च्यानल मार्फत बजारमा ल्याइएको छ ।