ऋषिङमा आइतबार हुने तीज गीत प्रतियोगितामा मन्त्री न्याैपाने आउने

ऋषिङ्ग गाउँपालिकाको आयोजनामा नारीहरुको महान पर्व हरितालिका तिजको अबसरमा खुला तीज गीत प्रतियोगिताको आयोजना गरिएको छ । प्रतियोगिताकाे प्रमुख अतिथीमा संघीय मामिला तथा सामान्य प्रशासन मन्त्री भगवती न्यौपाने रहने कार्यक्रम रहेको छ ।

गाउँपालिकाले आइतबार गर्ने वडास्तरीय खुला तीज गीत प्रतियोगितामा मन्त्री न्याैपानेकाे सहभागीता रहने भएको हो । ऋषिङ –६ ढुङ्गाडे पार्कमा हुने सो प्रतियोगितामा प्रत्येक वडाबाट बढीमा दुई समुह छनोट हुने गरी सहभागिताको लागि आग्रह गरिएको छ । गाउँपालिका कार्यालय वा वडा कार्यालयमा शनिबारसम्म समुह दर्ता गराउन पालिकाले आग्रह गरेको छ भने दर्ता शुल्क निशुल्क रहेको जनाइएको छ । प्रतियोगितामा प्रथम हुने समुहले प्रथम पुरस्कार रु. २० हजार,द्वितिय पुरस्कार रु. १५ हजार,तृतिय पुरस्कार रु.दश हजार र प्रमाणपत्र र सहभागी पुरस्कार रु.चार हजार रहेको छ ।