जिल्ला प्रशासन कार्यालय जलेर ध्वस्त भएपछि नयाँ ठाउँकाे खाेजी हुँदै

जेनजी आन्दाेलनकारी बाट जलेर ध्वस्त भएको जिल्ला प्रशासन कार्यालय सञ्चालनमा आउन अझै केही दिन लाग्ने भएको छ । भाैतिक संरचना र अभिलेख सबै नष्ट भएको उक्त कार्यालय कहाँ , कसरी र कहिलेबाट सञ्चालन गर्ने भन्ने अन्याैलता कायमै छ ।

नागरिकका लागि अत्यावश्यक कार्यालय ध्वस्त भएको र यसलाई चाडैं सञ्चालनमा ल्याउन नयाँ कार्यालय भवनको खाेजी भइरहेको प्रमुख जिल्ला अधिकारी रामकृष्ण अधिकारीले बताए । कार्यालय खाेजीकाे क्रममा छाैँ ,कहाँ राख्दा उपयुक्त र सहज हुन्छ त्यहीँ राखेर कार्यालय सञ्चालन गर्नेछौं अधिकारीले भने ।खासगरी पर्यटन कार्यालय , अतिथि गृह , शिक्षा समन्वय इकाइ , सामाजिक बिकास कार्यालय , सभाहल लगायतका ठाउँहरू हेरिरहेको बताइएको छ । ठाउँ उपलब्ध हुनासाथ नागरिकता, पासपोर्ट, सिफारिस जस्ता दैनिक जीवनका जरुरी सेवाहरू सुचारु हुने प्रशासनले बताएको छ । सेवा सुचारु गर्न कम्तीमा कम्यूटर, प्रिन्टर, टेबल जस्ता सामान्य सामग्री चाहिने तर ती न्युनतम कुराहरू पनि नभएको बताइएको छ । कार्यालय सञ्चालन र वातावरण सहजताकाे सम्बन्धमा सनिवार दमाैलीमा सराेकारवाला संघ संस्थाको सर्वदलीय छलफल समेत भएको छ ।