गर कवि मनमानी
मालिनी छन्द
२०८१/०७/०९
अचम
अभिनव व्यास
तनहुँ, नेपाल ।
१.
समय सुरु भयो यो, प्रेमको वर्तमान
थरर थरर हुन्छन् भ्रष्ट डाँका तमाम
अचम सबल स्रष्टा राख्न जो कीर्तिमान
सुगम सहज चेष्टा तीर हान्छन् कमान ।
२.
वरपर धुरिएका क्रान्तिकारी युवा छन्
असल नियत बाँड्ने चेतनाका भुवा छन्
समुचित हल बाँध्ने चेतनाका जुवा छन्
धवलित सपनाका मूल फुट्दै कुवा छन् ।
३.
सुगम मन मिलेको प्रेयसी पाउनाले
सरल भगवती झन् चाखमा आउनाले
हरपल शुभ सोच्ने ध्यान आराधनामा
हलचल छ बढेको काव्यको साधनामा ।
४.
मणिमय फल फल्दा बोटमा कल्प वृक्ष
चहकमहक छायो कल्पनामा सदृश्य
अचम शिशु बसेको जानकी कोख भित्र
अभिनव कवि बन्ने चाहना होस् विचित्र ।
५.
असल सहज चाला नित्य पठ्ठो जवानी
रहर अझ चढाउन् भव्य दुर्गा भवानी
अचमसित बसेकी शारदा सोचनामा
गर कवि मनमानी खेलको योजनामा ।
६.
कमलदल फुले झैं पाउँदा श्लोक दिव्य
हरपल कवितामा झुम्मिएकी पवित्र
अलमल अब त्यागी वाचनामा जुटेकी
हरफ हरफ चाल्दै मूल आफैं फुटेकी ।
७.
सकल सुलभ बन्ने खेलमा मेल गर्न
कविवर म त आएँ वाचना नव्य भर्न
सुललित छु बनेकी हेर्छ ऐना मलाई
कुतुहल कविताले भित्र ल्याई चलाई ।
