व्यास न. पा. रास्ट्रपति रनिङ शिल्डकाे उपाधि सत्यवतीलाइ
व्यास नगरपालिकाकाे आयाेजनामा भएको माध्यमिक बिद्यालय स्तरीय राष्ट्रपति रनिङ शिल्डकाे उपाधि सत्यवती मा वि दमाैलीले जितेको छ ।
व्यास १ भादगाउँ स्थित निर्मल माध्यमिक बिद्यालय प्राङ्गणमा भएको प्रतियोगितामा सत्यवतीले स्वर्ण पदक १५ ,रजत पदक ६ र कास्य पदक ७ गरि २८ पदक सहित प्रथम भएको छ । यश सँगै सत्यवती मावि लगातार ३ पटक प्रथम भइ राष्ट्रपति रनिङ शिल्ड आफ्नो बनाउन सफल भएको छ ।
त्यस्तै निर्मल माविले ६ स्वर्ण ५ रजत र ३ कास्यपदक गरि कुल १४ पदक प्राप्त गरि द्धितीय भएको छ । यस्तै व्यास ६ शिशाघाट स्थित महेन्द्र ज्याेति माध्यमिक बिद्यालयले ३ स्वर्ण , ७ रजत र २ कास्यपदक गरि कुल १२ पदक प्राप्त गरि तृतीय भएको छ । कार्यक्रममा बिजेताहरूलाइ प्रमुख अतिथि जिल्ला समन्वय समिति तनहुँका प्रमुख शान्तिरमण वाग्लेले पुरस्कार वितरण गरेका थिए ।
पुरस्कार वितरण कार्यक्रममा व्यास नगर प्रमुख बैकुण्ठ न्याैपाने , वडा अध्यक्षहरू रमेशचन्द्र हड्खले , जीवन गुरूङ , सत्यवती माविका प्रअ पुष्पकला भट्टराई , निर्मल माविका प्रअ गणेश चन्द्र बस्नेत , बिरबहादुर बस्नेत लगायतले बाेलेका थिए । प्रतियोगितामा २३ वटा बिद्यालयले भाग लिएका थिए ।
