तनहुँ उद्योग वाणिज्य संघ डुम्रे बजार ईकाइकाे २९ औं साधारणसभा सम्पन्न
तनहुँ उद्योग वाणिज्य संघ डुम्रे बजार ईकाइकाे २९ औं साधारणसभा सम्पन्न भएकाे छ । ईकाइका सभापति हेमलाल भिकेकाे अध्यक्षतामा सुक्रबार संघकाे आफ्नै भवन डुम्रेमा एक कार्यक्रमका बीच भएकाे साधारणसभामा तनहुँ उद्योग वाणिज्य संघका पूर्व अध्यक्षहरु घनश्याम श्रेष्ठ " देवान ", मानकाजी श्रेष्ठ, जिल्ला महासचिव सुबाेध अधिकारी , ईकाइका पूर्व अध्यक्ष सुनिल कुमार श्रेष्ठ, हरिहर महिला समूहकी अध्यक्ष सरिता पिया, डुम्रे टाेल बिकास संस्थाका अध्यक्ष भगवान श्रेष्ठ , हाम्रो बचत तथा ऋण सहकारी संस्थाका अध्यक्ष परशुराम अधिकारी लगाएतले शुभकामना ब्यक्त गर्दै डुम्रे ईकाइले गरेका कार्यक्रमहरु अत्यन्तै महत्त्वपूर्ण रहेकाे बताए ।
ईकाइका सचिव महेन्द्र शाहीका अनुसार ईकाइले चाैंथाे डुम्रे महाेत्सव सफल रुपमा संचालन गरेकाे, नि:शुल्क स्वास्थ्य शिविर संचालन गरेकाे, दशै लक्षित कार्यक्रम, बजार सरसफाइ , राजश्व र घरेलु उद्योग कार्यालय सँग समन्वयको भूमिका निर्वाह गरि सदस्यहरुलाई सहजिकरण गरेकाे , अनुगमनलाई सहयाेग गरिएकाे लगाएतका उदाहरणीय कार्य संचालन गरेको जानकारी दिए । कार्यक्रममा ईकाइकी काेषाध्यक्ष सुस्मा पियाले संस्थाकाे आय-ब्यय विवरण प्रस्तुत गर्नु भएकाे निवर्तमान सभापति राजेश श्रेष्ठ राजुले जानकारी दिए ।
