पाेर्चुगलबाट दसैं मान्न आएका भानुका रविन्द्र मल्लको सवारी दुर्घटनामा मृत्युु

पाेर्चुगलवाट दसैं मान्न घरमा आएका भानुका एक युवाको सवारी दुर्घटनामा मृत्यु भएको छ । भानु नगरपालिका वडा-९ स्थित रानीपानीमा ग १ क ३४८२ नम्बरको ट्रिपरले ग५प १६५५ नम्बरको मोटरसाइकललाइ ठक्कर दिँदा मोटरसाइकलमा पछाडि सवार भानु-९ बाइसजागरका ४३ वर्षीय रबिन्द्र मल्लको घटना स्थलमै मृत्यु भएको हाे । रातिको समयमा भएको दुर्घटना पश्चात ट्रिपर चालक र मोटरसाइकल चालक दुबै भागेका थिए।

घटनाको अवस्था हेर्दा शंङ्कास्पद देखिएपछि प्रहरीले अनुसन्धान गर्दै जाँदा सिसिटिभि फुटेजमा बाइकमा दुइ जना सवार देखिएको र घटना स्थलमा एक जना मात्रै मृत भेटिएका थिए। दुर्घटना पश्चात ट्रिपर चालक र मोटरसाइकल चालक दुबै भागेका थिए। हाल दुबै सवारी साधन र चालकहरु प्रहरीको नियन्त्रणमा रहेका छन् । मृतक मल्लको शब प्रदेश अस्पताल दमौलीमा पाेष्टमार्टम गरि लगिएको छ ।
मृतक मल्ल घर नजिकैको ग्यारेज सञ्चालक एक युवककाे माेटरसाइकल चढेर आफन्तकाेमा जान लागेका थिए । तर पाँच मिनेटको बाटो मात्रै अगाडि बढ्दा पछाडि बाट आएकाे ट्रिपरकाे ठक्करबाट उनको मृत्यु भएको हाे । उनको मृत्यु भएपछि माेटरसाइकल चालक माेटरसाइकल छाेडेर भागेका थिए ।