डुम्रेमा सवारी दुर्घटना: बन्दिपुरका पैदल यात्री घाइते, चालक नियन्त्रणमा

डुम्रे, २२ गते साँझ करिब ६:२० बजे, तनहुँको बन्दिपुर गाउँपालिका–४, ठुलोढुङ्गा स्थित पृथ्वी राजमार्गमा एक अज्ञात नम्बरको सवारी साधनले पैदल यात्री कुल देव शाह (५५) लाई ठक्कर दिएको छ।
घटनामा घाइते भएका शाहलाई तत्काल मोती अस्पताल डुम्रे लगिएको थियो। प्रारम्भिक उपचारपछि उनलाई अतिरिक्त उपचारका लागि CMC अस्पताल, भरतपुर रिफर गरिएको छ। प्रहरीका अनुसार उनको टाउकोमा गम्भीर चोट लागेको छ र हाल उनी बोल्न सक्ने अवस्थामा छैनन्।

सवारी दुर्घटनाको केही समयपछि साँझ ८:३० बजे, प्रहरीले गा १६ प १६५३ नम्बरको सवारी का चालक सोम ब. आले (२४) लाई नियन्त्रणमा लिएको छ। आले जिल्ला तनहुँ, बन्दिपुर गाउँपालिका–१, किहुँ निवासी हुन्।
प्रहरीले घटनाको थप अनुसन्धान गरिरहेको जनाएको छ। यो घटनाले पृथ्वी राजमार्गमा सवारी सावधानीको आवश्यकतामा जोड दिएको छ। स्थानीय यातायात व्यवस्था तथा पैदल यात्री सुरक्षा सम्बन्धमा सचेत रहनुपर्ने माग उठेको छ।