अन्तरपालिका भलिबलकाे उद्घाटन खेलमा शुक्लागण्डकी विजयी

तनहुँकाे सदरमुकाम दमाैली स्थित अनसन चौतारी खुल्ला चौरमा सुरु भएको अन्तरपालिका स्तरीय पुरूष भलिबल प्रतियोगिताकाे उद्घाटन खेलमा शुक्लनगण्डकी नगरपालिका विजयी भएको छ । जेष्ठ १७ गते देखि १९ गते सम्म हुने प्रतियोगिताकाे उद्घाटन खेलमा ऋषिङ गाउँपालिकालाइ पराजित गर्दै शुक्लागण्डकीले विजयी सुरुवात गरेको हाे ।

स्वास्थ्यको लागि खेलकुद, राष्ट्रको लागि खेलकुद भन्ने नाराका साथ सुरु भएको प्रतियोगिताकाे बिहीबार एक कार्यक्रमका बिच व्यास नगरपालिकाका प्रमुख बैकुण्ठ न्याैपानेले उद्घाटन गरेका थिए ।

जिल्ला भलिबल संघ तनहुँका अध्यक्ष पदम सुनारको अध्यक्षतामा भएको कार्यक्रममा जिल्ला खेलकुद बिकास समितिका अध्यक्ष अनिल पाण्डे , व्यास ३ का अध्यक्ष अनुप राना , वडा नं २ का सदस्य सुरेश वाग्ले ,नेपाल सिताेरियाे कराते गण्डकी प्रदेश अध्यक्ष मनिराज थापा , महासचिव अशोक गिरी लगायतले कार्यक्रम सफलताको शुभकामना व्यक्त गरेका थिए ।

उक्त प्रतियोगितामा प्रथम हुने टिमले १ लाख १ हजार १ सय ११ रूपयां नगद तथा ट्रफि, मेडल र प्रमाणपत्र पाउने जिल्ला भलिबल संघ तनहुँका अध्यक्ष पदम सुनारले बताए । यस्तै प्रतियोगितामा दोस्रो हुने टिमले ५१ हजार १ सय ११ तथा तेस्रो हुने टिमले २५ हजार १ सय ११ रूपया नगदका साथ ट्रफि, मेडल र प्रमाणपत्र पाउने सुनारले जानकारी दिए ।

प्रतियोगितामा बेस्ट प्लेयर, बेस्ट स्पाईकर, बेस्ट सेटर, बेस्ट डिफेन्डर, बेस्ट ब्लकर बेस्ट कोच, बेस्ट सर्भर लाई समेत उचित पुरस्कारको ब्यवस्था गरिएको छ ।
प्रतियोगितामा ९ वटा पालिकाका खेलाडीकाे सहभागी ता रहेको छ ।