लायन्स म्याग्देकाे चित्रकला प्रतियोगितामा पसले आधारभुत बिद्यालयकी आश्मा प्रथम

लायन्स क्लब तनहुँ म्याग्देले “सीमा बिना शान्ति” भन्ने नाराका साथ शान्ति पोस्टर प्रतियोगिता कार्यक्रम सम्पन्न गरेको छ ।
म्याग्दे–३ स्थित पसाले आधारभुत विद्यालयमा सञ्चालन भएको प्रतियोगितामा म्याग्दे गाउँपालिका भित्रका विद्यालयका १३ प्रतिभावान युवा कलाकारलाई प्रस्तुत गरिएको थियो । तिनीहरूले आफ्ना रचनात्मक व्याख्याहरू र शान्तिको दर्शनहरू प्रदर्शन गरेका लायन्स म्याग्देका अध्यक्ष पशुपति अर्यालले बताए ।

उक्त चित्रकला प्रतियोगितामा श्री पसले आधारभूत विधाालयमा अध्यनरत कक्षा ८ की छात्रा आश्मा थापा प्रथम भएकी छन् । प्रतियोगिताले युवा दिमागको कलात्मक प्रतिभालाई मात्र होइन, शान्ति र सद्भावको विश्वव्यापी सन्देशलाई समेत प्रेरणा र प्रवर्द्धन गर्ने काम गरेको बताइएको छ ।