थर्पु अस्पतालकाे स्वास्थ्यमन्त्री पाैडेलले सनिवार उद्घाटन गर्ने
म्याग्दे गाउँपालिका–४ थर्पु बजार नजिक निर्माण सम्पन्न भएको १० शय्याको आधारभूत अस्पतालकाे भाेली सनिवार उद्घाटन हुने भएको छ ।
अस्पतालकाे स्वास्थ्य तथा जनसंख्या मन्त्री प्रदिप पाैडेलले उद्घाटन गर्ने कार्यक्रम रहेको गाउँपालिकाका प्रमुख प्रशासकिय अधिकृत नारायण प्रसाद अधिकारीले बताए । विसं २०७८ जेठ २ गतेदेखि निर्माण सुरु भएको अस्पताल भवन निर्माण सम्पन्न भए सँगै उद्घाटन हुन लागेको हाे । ऋषि शक्ति/होम निर्माण जेभी कम्पनीले बनाएको भवनको सात करोड ३४ लाख ५० हजार एक सय ९६ रुपैयाँमा ठेक्का लागेको थियो । हरेक स्थानीय तहमा आधारभूत अस्पताल निर्माण गर्ने सङ्घीय सरकारको निर्णय बमोजिम अस्पताल निर्माण गरिएको गाउँपालिकाकाले जनाएको छ ।
अस्पतालमा एक मेडिकल अधिकृत, एक नर्सिङ अधिकृत, चार स्टाफ नर्स, चार ‘हेल्थ असिसटेन्ट’ र दुई फार्मेसीलगायत २३ जनाको दरबन्दी रहने छ ।
