भिमाद नगरपालिका स्तरीय राष्ट्रपति रनिङशिल्ड तथा आठौँ मेयर कप आज बाट सुरु
भिमाद नगरपालिका स्तरीय राष्ट्रपति रनिङशिल्ड तथा आठौँ मेयर कप -२०८१ शुक्रबारबाट सुरु भएको छ । भिमाद नगरपालिकाको आयोजनामा संचालन गरिएको सो प्रतियोगिताको नगर प्रमुख दधिराज सुवेदीले भिमाद रङ्गशालामा उद्घाटन गरेका छन् ।
प्रतियोगितामा भलिबल छात्र/छात्रा, एथलेटिक्स छात्र/छात्रा (१०० मि., २०० मि., ४०० मि., ८०० मि., १५०० मि., ३००० मि. ४/४ जनाको १०० मि.रिले, ४/४ जनाको ४०० मि.रिले दौड), फिल्ड तर्फ (हाईजम्प, लङजम्प, त्रिपलजम्प, ज्याभ्लिङ थ्रो, सटपुट) लगायतका खेलहरू समावेश गरिएका छन् ।
प्रतियोगिता ३ दिनसम्म भिमाद रङ्गशालामा जारी रहने भिमाद नगरपालिकाले जनाएको छ । उद्घाटन कार्यक्रममा ऋषिङ्ग गाउँपालिकाका अध्यक्ष राजेन्द्र कृष्ण श्रेष्ठ , भिमाद उपप्रमुख सारदा खनाल लगायतले कार्यक्रम सफलताको शुभकामना व्यक्त गरेका थिए ।
