डुम्रे बचत तथा ऋण सहकारीकाे अध्यक्षमा पिया
तनहुँकाे डुुम्रे बजारमा रहेकाे डुम्रे बचत तथा ऋण सहकारी संस्थाकाे १८ औं साधारणसभा तथा छैठाैं अधिवेशन सम्पन्न भएकाे छ । अधिवेशनले पुन: राम कुमार पियालाई अध्यक्षमा सर्वसम्मत चयन गरेकाे छ ।
संस्थाका जेष्ठ सदस्य अजय नारायण पियाकाे प्रमुख आतिथ्यतामा भएकाे कार्यक्रममा ५ जना सदस्यलाई पुरस्कृत र सम्मान गरिएकाे संस्थाका ब्यवस्थापक अच्युत सुबेदीले जानकारी दिए । उनका अनुसार ९० वर्षका दधिराम विक र भिमप्रसाद श्रेष्ठलाई सम्मान गरिएकाे छ ।
कार्यक्रममा बन्दिपुर १ का वडा अध्यक्ष शिवकुमार श्रेष्ठ , कानुनी सल्लाहकार ऋषिराम अधिकारी लगाएतले शुभकामना ब्यक्त गरेका थिए । संस्थामा हाल २ हजार ६ सय ३८ जना सदस्य रहेका संस्थाले जनाएको छ ।
