घाँसीकुवा नजिकै भएको सवारी दुर्घटनामा ३६ वर्षीय श्रीकान्तकाे मृत्यु
पृथ्वीराजमार्ग अन्तर्गत तनहुँको व्यास नगरपालिका वडा नं १२ घाँसीकुवा कल्चरभिलेज नजिक शनिबार साँझ ग्यास बोकेको बुलेट ट्रक दुर्घटनामा एकजनाकाे मृत्यु भएको छ ।
दुर्घटना भएको बुलेट ट्रकभित्र च्यापिएका चालक ३६ वर्षीय श्रीकान्त कुमारकाे मृत्युु भएको हाे । गाडी भित्र च्यापिएका चालकलाई क्रेनको सहायताले निकालिएकाे थियो । भारत बिहार घर भएका उनको शव अहिले दमाैली अस्पतालमा राखिएको छ ।
