गृह मन्त्रालयकाे कार्यसम्पादन मुल्यांकनमा इलाम अब्बल देखिँदा तनहुँ तेईसाैँ नम्बरमा

गृह मन्त्रालयले दोस्रो त्रैमासमा गरेको कार्यसम्पादन मूल्यांकनमा जिल्ला प्रशासन कार्यालयको रिर्पोट सार्वजनिक गरेको छ । गृहले हालै सार्वजनिक गरेको कार्यसम्पादन रिर्पोटका आधारमा जिल्ला प्रशासन कार्यालय इलाम सबैभन्दा अब्बल र बाजुरा सबैभन्दा कमजोर देखिँदा तनहुँ १८.८१ अंक प्राप्त गरी तेइसाैँ स्थानमा देखिएको छ ।

गृहले गरेको दोस्रो त्रैमासिक नतिजामा इलाम, रुकुम पश्चिम, पाल्पाले जम्मा १९ दशमलव ५ अंक प्राप्त गर्दै उत्कृष्ट भएका छन् । कूल २० पूर्णांकमा यी जिल्लाले १९ दशमलव ५ अंक प्राप्त गरेका हुन । यस्तै जिल्ला प्रशासन कार्यालय कास्की, रामेछाप, स्याङजा र तेह्रथुम दोस्रो बन्न सफल भएका छन् । यी जिल्लाले समान १९ दशमलव ३७ अंक पाएका छन् ।

यस्तै १९ दशमलव २५ अंक प्राप्त गर्दै जिल्ला प्रशासन कार्यालय पर्वत, बागलुङ र मनाङ तेस्रो नम्बरमा पर्न सफल भएका छन् । कञ्चनपुर र चितवनले १९ दशमलव १२, नवलपरासी पूर्व र मकवानपुरले १९ दशमलव ०६ अंक प्राप्त गरेका छन् ।