च्यवनधाममा भएको वक्तित्वकला प्रतियोगितामा पञ्चमुनिदेवकी पुनम ठकुरी प्रथम

शुक्लागण्डकी नगरपालिका वडा नं. २ स्थित मुक्तिनाथ शुक्लागण्डकी च्यवनधामले आयोजना गरेको माध्यमिक विद्यालय स्तरीय वक्तृत्वकला प्रतियोगितामा पञ्चमुनिदेव माध्यमिक विद्यालयकी पुनम सेन ठकुरी प्रथम भएकी छिन् । ‘साँस्कृतिक सहिष्णुतामा च्यवन धामको भूमिका’ शीर्षकमा भएको वक्तृत्वकला प्रतियोगितामा ठकुरीले सहभागि अन्य १३ विद्यालयका प्रतियोगिलाई पछि पार्दै प्रथम भएकी हुन् । जितसंगै ठकुरीले नगद १० हजार र प्रमाणपत्र प्राप्त गरेकी छिन् ।

यस्तै प्रतियोगितामा हंंश वाहिनी माविकी मानसी खनालले द्वितीय स्थान हासिल गरेकी छन् भने कञ्चनजंघा बोर्डिङ स्कुलकी एञ्जिला कुँवर तृतीय हुँदा माउण्ट अन्नपूर्ण एकेडेमीका सुदिप थापा र ज्ञान बगैचा इङलिस बोर्डिङ्ग स्कुलकी प्रमिसा पौडेल सान्त्वना भएका छन् । प्रतियोगितामा द्वितीय, तृतीय र सान्त्वना हुनेले नगद क्रमशः ७ हजार ५ सय, ५ हजार र समान ३/३ हजार साथमा प्रमाणपत्र प्राप्त गरेका छन् ।