काङ्ग्रेस युवा नेता थापाले हटाए सभापति देउवा लगायतको चरित्र हत्या हुने गरि राखिएका तस्बिर
नेपाली कांग्रेसका युवाहरूले काठमाडौंको माइतीघर मण्डलामा राखिएका कांग्रेस सभापति शेरबहादुर देउवासहितका नेताहरूको तस्बिरलाई हटाएका छन् ।
बिहीबार माइतीघर मण्डलामा पुगेका काङ्ग्रेस युवा नेता चाम बहादुर थापा सहितका ३०/४० जना युवाहरूले शान्तिपूर्ण रुपमा कांग्रेसका नेताहरूको चरित्रहत्या हुने गरी राखिएका तस्बिर र ब्यानरहरू हटाएका हुन् ।‘पार्टी सभापति शेरबहादुर देउवा, पूर्व परराष्ट्रमन्त्री डा.आरजु राणा र पूर्वगृहमन्त्री रमेश लेखकको चरित्रहत्या हुने गरी राखिएका तस्बिरहरू हटाएकाे कांग्रेसका महाधिवेशन प्रतिनिधि चामबहादुर थापाले बताए ।
जेनजीको नाममा एक समुहद्वारा शेरबहादुर देउवासहितका नेताहरूलाई ‘भ्रष्टाचारी हुँ’ लगायत उल्लेख गरी चरित्र हत्या हुनेगरी टांगिएका तस्बीर र ब्यानरहरू हटाउने क्रममा प्रहरीसँग घम्साघम्सी समेत परेको थियो ।
यसअघि, बुधबार साँझ एमाले र माओवादी केन्द्र निकटका युवाहरूले केपी ओली, पुष्पकमल दाहाल ‘प्रचण्ड’ लगायतका नेताहरूको चरित्रहत्या गर्ने गरी राखिएका तस्बिरहरू हटाएर लगेका थिए ।
