इलाका प्रहरी कार्यालय बेलचौतारामा नागरिक सुनुवाइ सम्पन्न

जिल्ला प्रहरी कार्यालय तनहुँको आयोजनामा मार्फा थकाली समाज सेवा सदनको भवन शुक्लागण्डकी नगरपालिका वडा नं.०५ बेलचौतारा तनहुँमा सार्वजनिक सुनुवाइ कार्यक्रम सम्पन्न भएको छ । प्रहरीबाट हुने सेवा प्रवाह, प्रहरी काम कारबाही लगायतका विषयमा शुक्लागण्डकी नगरपालिकाका नगर प्रमुख कृष्ण राज पण्डितको प्रमुख आतिथ्यतामा सार्वजनिक सुनुवाइ कार्यक्रम भएको हाे ।

प्रमुख जिल्ला अधिकारी राम कृष्ण अधिकारीको सभाध्यक्ष तथा जिल्ला प्रहरी कार्यालय तनहुँका कार्यालय प्रमुख प्रहरी उपरीक्षक टेक बहादुर कार्कीको विशेष आतिथ्यतमा उक्त कार्यक्रम भएको हाे । कार्यक्रममा वडा अध्यक्षहरु, स्थानिय राजनैतिक दलका प्रमुख एवम् प्रतिनिधिहरु,सरकारी/गैह्र-सरकारी संघ संस्थाका प्रमुख एंव प्रतिनिधिहरु,समाजसेवी,पत्रकार , युवा क्लव,आमा समुह,व्यवसायी र स्थानियहरुको सहभागिता रहेको थियो ।