म्याग्दे ३ मा भएको आँखा शिविरमा २१ जनामा माेति विन्दु देखियो
तनहुँकाे म्याग्दे गाउँपालिका वडा नं ३ जनगणपति माविमा मंगलबार भएको निःशुल्क आँखा शिविर कार्यक्रम सम्पन्न भएको छ । नेपाल नेत्रहिन संघ , नेत्रहिन पुनर्स्थापना कार्यक्रम गाेरखा र नेपाल नेत्रज्याेती संघ भरतपुर आँखा अस्पताल चितवनकाे संयुक्त आयाेजनामा सञ्चालन भएकाे निःशुल्क आँखा शिविरमा २ सय८९ जनाकाे आँखाको परिक्षण गरिएकाे थियो ।
जसमध्ये २१ जनामा माेति विन्दुकाे समस्या देखिएकाे म्याग्दे गाउँपालिका स्वास्थ्य शाखाका प्रमुख तिलक घिमिरेले बताए । माेतिविन्दुकाे समस्या देखिएका बिरामीहरू लाई यहि वैसाख १८ र १९ गते जामुने स्वास्थ्य चाैकिमा शल्यक्रिया बाट उपचार गरिने समेत घिमिरेले जानकारी दिए ।नि:शुल्क आँखा शिविरकाे वडा नं ३ का अध्यक्ष टुकराज अधिकारी लगायतका जनप्रतिनिधिले अनुगमन गरेका थिए ।
