जेसिआई भानु बन्दिपुरकाे तेस्रो पदस्थापन तथा पुरस्कार वितरण कार्यक्रम सम्पन्न
जेसिआई भानु बन्दिपुरकाे तेस्रो पदस्थापन तथा पुरस्कार वितरण कार्यक्रम सम्पन्न भएकाे छ । कार्यक्रममा वर्ष २०२४ का अध्यक्ष रविन अधिकारीले वर्ष २०२५ का अध्यक्ष अनुज पंडितलाई पद हस्तान्तरण गरेका थिए ।
पर्यटकीय नगरी बन्दिपुरकाे रेड हाउसमा भएकाे कार्यक्रममा प्रमुख अतिथि भानु नगरपालिकाका नगर प्रमुख आनन्दराज त्रिपाठीले जेसिआई मार्फत युवाहरुलाई नेतृत्व विकास, सीप मूलक ज्ञान र सामाजिक भावना जागृत हुने भएकाले सबैले आ-आफ्नो ठाउँबाट सहयाेग गर्नु पर्ने भन्दै यसमा भानु नगरपालिकाले सहयाेग गर्ने प्रतिवद्दता ब्यक्त गरेका थिए ।
उक्त अवसरमा शुभकामना आदानप्रदान सँगै साँस्कृतिक नृत्य समेत प्रस्तुत गरिएको थियो ।
