व्यासबाट ६१ एम्पुल लागुऔषधसहित युवक पक्राउ
दमौली — जिल्ला प्रहरी कार्यालय तनहुँले व्यास नगरपालिका–४ चुरेखोल्सीस्थित भित्री सडक खण्डबाट एक युवकलाई ६१ एम्पुल लागुऔषधसहित नियन्त्रणमा लिएको छ।
प्रहरीका अनुसार वैशाख ७ गते साँझ करिब ७ बजे ग १० प १६१ नम्बरको स्कुटरमा सवार चालकलाई शंकाको आधारमा चेकजाँच गर्दा उनले लगाएको ज्याकेटको खल्तीबाट डाइजेपाम २२ एम्पुल, फेनेरागन १५ एम्पुल, फुटेको अवस्थामा रहेका ७ एम्पुल, बुप्रेनोर्फिन १४ एम्पुल तथा फुटेको ३ एम्पुल गरी जम्मा ६१ एम्पुल बरामद भएको हो।
लागुऔषधसहित नियन्त्रणमा लिइएका ती व्यक्तिलाई जिल्ला प्रहरी कार्यालय तनहुँ ल्याई आवश्यक अनुसन्धान प्रक्रिया अगाडि बढाइएको प्रहरीले जनाएको छ।
