काठमाडौंबाट पोखरा जाँदै गरेको माइक्रो बस धादिङमा दुर्घटना
धादिङ — काठमाडौंबाट पोखरातर्फ जाँदै गरेको माइक्रो बस धादिङको आदमघाट नजिक दुर्घटना हुँदा १२ जना यात्रु घाइते भएका छन्।
बा-प्रदेश ०१-००६ ख ७२२१ नम्बरको उक्त माइक्रो बस पृथ्वी राजमार्ग अन्तर्गत सडकमा नै पल्टिएको हो। वर्षातका कारण सडक चिप्लो हुँदा सवारी अनियन्त्रित भई दुर्घटना भएको प्रारम्भिक अनुमान गरिएको छ।
दुर्घटनामा घाइतेमध्ये ५ जनालाई थप उपचारका लागि काठमाडौं पठाइएको छ भने अन्य सामान्य घाइतेहरूको स्थानीय स्वास्थ्य संस्थामा उपचार भइरहेको ट्राफिक प्रहरी कार्यालय धादिङका प्रमुख शिशिर थापाले जानकारी दिएका छन्।
प्रहरीले घटनाबारे थप अनुसन्धान भइरहेको जनाएको छ।
