दमाैलीमा ५५ सय जना मानिस परिक्षा दिन आउँदा यहाँका हाेटल भरिभराउ
प्राय खाली रहने दमाैलीका हाेटलहरू यतिबेला मान्छे नअटेर कसरी अटाउने भन्नेमा छन् । बिहिवार देखि दमाैली र यस आसपासका हाेटल भरिभराउ हुँदा व्यवसायीहरू लाई ग्राहककाे व्यवस्थापन गर्न हम्मेहम्मे परेको छ ।
सनिवार हुने नि मा वि परिक्षाकाे लागि अन्य जिल्लाबाट धेरै मानिसहरू यहाँ बस्न आउँदा यहाँका व्यवसायीहरूलाइ ठुलो राहत भएको क्षेत्रीय हाेटल संघ दमाैली बजार इकाईका सभापति शंकर अधिकारी ले बताए ।
यस किसिमको परिक्षाकाे सेन्टर यहाँ पर्नु ठुलो कुरा भएको भन्दै सभापति अधिकारीले सबैलाई राम्रो व्यवहार गरेर दमाैलीकाे सन्देश अन्यत्र राम्रो लैजाने बाताबरण गराउन आग्रह गरे । अहिले राम्रो गर्न सक्यौं भने फेरि पनि यहाँ परिक्षाकाे सेन्टर पर्न सक्छ , नत्र गलत सन्देश गयो भने पाेखरातिर मात्रै हुनसक्ने तर्फ व्यवसायीलाई उनलेे सचेत गराए ।
नि मा बि तृतीय श्रेणी खुल्ला प्रतियोगितात्मक परिक्षाकाे लागि अन्यत्रबाट आएका परिक्षार्थिहरू ५ हजार ५ सयको संख्यामा रहेको शिक्षा इकाईका प्रमुख उद्धवराज जमरकट्टेलले बताए । व्यास नगरपालिकाका विभिन्न बिद्यालय तथा म्याग्दे , शुक्लागण्डकिका केही बिद्यालयमा गरि २२ वटा सेन्टर रहेको उनलेे जानकारी दिए ।
गत बर्ष पोखरामा परीक्षा केन्द्र हुदा होटलको एउटा कोठाको मुल्य रु२०००/- देखि रु२५०० सम्म कायम गरेका थिए,जुन कोठाको भाडा अरु समयमा रु८५० देखि रु १००० सम्म हुने गरेको पाईएको छ।