बुल्दी चुँदी खोला सरसफाइ अभियानलाई थापाको २० हजार सहयोग

बुल्दी चुँदी खोला सरसफाइ अभियानलाई सफल बनाउन युवा व्यवसायी गाेपाल थापाले २० हजार सहयोग गरेका छन् । खाेला सरसफाइ एवम् सौचालय निर्माण तथा पुनर्निर्माण अभियान सफल पार्न RAFFLES EDUCARE DAMAULI का संचालक थापाले उक्त रकम सहयोग गरेका हुन् ।

स्थानीय युवा महम्मद गफ्फार(सुदिप)ले बैशाख २९ गते बुल्दी खाेला तथा जेठ ५ गते चुँदि खाेला सरसफाइ अभियान एवम् प्रतियोगिता गर्ने र उक्त प्रतियोगितामा प्रथम तथा द्धितिय हुनेलाइ क्रमश १० हजार र ५ हजार पुरस्कार एवम् प्रमाणपत्र उपलब्ध गराउने बताए पछि साेहि कार्यक्रमलाई सफल बनाउन थापाले सहयोग गरेका हुन् । थापा सँगै अन्य व्यक्तिहरूले पनि सहयोग गर्न आएकाे युवा अभियान्ता गफ्फारले बताए ।

चुँदी र बुल्दी खाेला संरक्षणकाे लागि याे अभियान ल्याइएको गफ्फारले बताउँदै आएका छन्। गफ्फारले यस अभियानलाई सहयोग गर्न सबैलाई आव्ह्वान समेत गरेका छन् ।