पार्वती आ.वि का बिद्यार्थी लाई लायन्स व्यास सिटीकाे शैक्षिक सामाग्री सहयोग

लायन्स क्लव अफ तनहुँ व्यास सिटीले पार्वती आ. बि. का बिद्यार्थी हरूलाइ शैक्षिक सामाग्री सहयोग गरेको छ । म्याग्दे गाउँपालिका वडा नं ४ मा रहेको उक्त बिद्यालयलाई लायन्स व्यास सिटीका अध्यक्ष सुकनारायण मल्लले शैक्षिक सामाग्री सहयोग गरेका हुन् । अध्यक्ष मल्लले ३० हजार मुल्य बराबरको सामाग्री बिद्यालय व्यवस्थापन समितिका अध्यक्ष चन्द्र कुमार मल्ल तथा प्रअ सागर आचार्य लाई हस्तान्तरण गरेका हुन् । पार्वती आ .बि का बिद्यार्थीहरूलाई हरेक वर्ष झैँ यस बर्ष पनि शैक्षिक सामाग्री सहयोग गरेको अध्यक्ष मल्लले बताए ।

बिद्यालयमा आएर शैक्षिक सामाग्री सहयोग गरेकाेमा बिद्यालय ब्यवस्थापन समितिका अध्यक्ष चन्द्रकुमार मल्ल तथा प्रअ आचार्यले अध्यक्ष मल्ललाई धन्यवाद दिएका छन् ।
बिद्यार्थीहरूले छाता , कापी कलम , ड्रेस लुगा , माेजा सहितका सामाग्री पाउँदा खुसी भएका छन् । सहयोग हस्तान्तरण कार्यक्रममा म्याग्दे गाउँपालिका कार्यपालिका सदस्य बद्रीका घिमिरे लगायतको उपस्थिति रहेको थियो ।