भानुमा भएको आँखा शिविरमा ५५६ काे उपचार तथा ४१ जनाकाे अप्रेसन
भानु २ नारेश्वरटारमा नेपाल नेत्रज्योति संघ ,भरतपुर आँखा अस्पताल चितवन र भानु नगरपालिकाको संयुक्त सहकार्यमा भानु नगरपालिका मै पहिलो पटक आँखा उपचार केन्द्र स्थापना भएको छ । उपचार केन्द्रकाे गत बिहीबार एक कार्यक्रमका बिच भानु नगर प्रमुख आनन्द राज त्रिपाठीले उद्घाटन गरेका थिए ।
उद्वघाटन कार्यक्रमको पहिलो दिनमा निशुल्क आँखा शिविरको सञ्चालन गरीएकोमा ५५६ जना बिरामीले आँखा चेकजाँच गरेका थिए भने ४१ जनाको अप्रेशन गरिएकाे थियो । विभिन्न समस्याका कारण आँखाको उपचार गराउन महंगो खर्चमा जिल्ला बाहिर जानुपर्ने बाध्यतामा रहेका स्थानीय आफ्नै नगरपालिकामा उपचार केन्द्रको स्थापना भएपछि गाउँमै सेवा पाइने भन्दै खुशी भएका छन।
