भानु जयन्तीको अवसरमा म्याग्देका हरफहरू पुस्तकको लाेकार्पण
१११औं भानु जयन्तीकाे अवसरमा म्याग्दे साहित्य समाज तनहुँले “म्याग्देका हरफहरु.” दोस्रो अंक पुस्तक बिमोचन तथा कविता वाचन कार्यक्रम सम्पन्न गरेको छ ।
कार्यक्रममा प्रमुख अतिथि म्याग्दे गाउँपालिकाका अध्यक्ष श्रीप्रसाद श्रेष्ठले ” म्याग्देका हरफहरू ” पुस्तककाे लाेकार्पण गरेका थिए । म्याग्दे साहित्य समाजका अध्यक्ष चन्द्रमणि अधिकारीकाे अध्यक्षतामा भएको कार्यक्रममा म्याग्दे गाउँपालिकाका उपाध्यक्ष बालकृष्ण घिमिरे , वडा नं ३ का अध्यक्ष टुकराज अधिकारी , वडा नं ७ का अध्यक्ष बसन्त कुमार श्रेष्ठ ,जिल्ला समन्वय समिति तनहुँका सदस्य डाेलबहादुर सुनार , वडा सदस्य वालचन्द्र घिमिरे , म्याग्दे साहित्य समाजका संरक्षक ऋषिराम अधिकारी , सल्लाहकार बालचन्द्र घिमिरे , साहित्यकार दिपकराज अधिकारी , समाजका सचिव नारायण प्रसाद खनाल लगायतले शुभकामना मन्तब्य राखेका थिए ।
कार्यक्रममा विभिन्न व्यक्तिहरूले कविता वाचन गरेकाे समाजका सचिव खनालले जानकारी दिए ।
