जोखिमपुर्ण औषधी बिक्री गर्ने संचालक थापा पक्राउ

तनहुँकाे व्यास नगरपालिका वडा नं.२ गणेशमानमार्ग स्थित प्रसन थापा मेडिकलका संचालक बर्ष ५३ की केशीमाया थापा पक्राउ परेकी छन् ।
थापाले ग्राहकसँग इजाजत प्राप्त व्यक्तिको सिफारिस बिना मानव शरीरमा गम्भीर असर हुने जोखिमपूर्ण औषधि बिक्री बितरण गरेको भन्दै उनलाई पक्राउ गरेको प्रहरीले बताएको छ ।

प्रहरीका अनुसार उक्त पसल तलासी लिदाँ prenura 75 pregabalin Capsules पत्ता १२, prenura 150 pregabalin Capsules पत्ता १२ र Dicyclomine hydrochloride tablet पत्ता ८८ फेला परेको थियो । सञ्चालक थापालाई पक्राउ गरी निज उपर मुलुकी अपराध संहिता, २०७४ को परिच्छेद १९ को दफा २३४ को उपदफा १ बमोजिम थप अनुसन्धान भईरहेको प्रहरीले बताएको छ ।