बहुउद्देश्यीय भवन बनाउन भन्दै वर्षाैं देखि सटर खाली गर्दा व्यासलाइ करोडाैँ घाटा

व्यास नगरपालिकाले बहुउद्देश्यीय भवन बनाउने भन्दै दमाैलीकाे मुख्य चाेकका सटर खाली बनाउँदा कराेडाैं घाटा ब्यहाेरेकाे छ । मुख्य चाेक र सफासडकका १४ वटा सटरमा बसेका व्यापारीलाई बहुउद्देश्यीय भवन बनाउन खाली गर्न भन्दै लखेट्दा उल्टै नगरपालिकालाई नैं करोडाैँ घाटा भएको हाे ।

सफासडकका एक व्यापारी भन्छन् – कसको डिजाइन र इसारामा नगरबासीकाे चाहना नहुँदा नहुँदै पनि बहुउद्देश्यीय भवनको ढाेल पिटियाे र हामी व्यवसाय गरिरहेका मान्छेलाई लखेट्ने काम भयो त्यसले हामीलाई त घरको न घाटकाे बनायो तर त्यही नगरपालिकालाई पनि करोडौं घाटा लाग्न पुग्याे ।

बहुउद्देश्यीय भवन नबनेको खण्डमा तपाईंहरूनै बस्न पाउनुहुन्छ अहिले खाली गर्दिनुस भनेर नगर प्रमुखले भनेपछि हामी ७ जनाले सुरुमै इमानदारीपूर्वक सटर छाेड्याैँ , तर नयाँ भवनकाे चाैतर्फी बिराेध भए पछि भवन बनाउने काम सुरु नैं भएन । यस्तो बेलामा पहिला बसेका पुराना व्यवसायीलेनैं सटर पाउनुपर्नेमा गत साउन ३२ गते टेण्डर खाेलियाे । भवन नवनेकाे खण्डमा हामीले नैं पाउनुपर्छ भनेर नगर प्रमुखले त्यही बेला ताेक लगाएको कागज देखाउँदा पनि अहिले आनाकानी भएको उनिहरूले बताएका छन् । हामीलाइ त पुरानो सहमति अनुसार दिएनन् – उल्टै अहिलेसम्म बन्द रहँदाकाे सटर भाडा मात्रै हाेईन जरिवाना र सरसफाइ सुल्क समेत लिए ती व्यापारीले भने । खासगरी रामनारायण श्रेष्ठ , राजकुमार श्रेष्ठ फणीन्द्र घिमिरे , बिष्णु वाग्ले र तेजबहादुर रानाभाटले पुन पाउने सर्तमा सटर खाली गरेको बताएका छन् । एक व्यापारीका अनुसार आफुहरूकाे सम्झौता २०८० असार मसान्तमा सकिएपछि सम्झौता थप्न र भाडा लिन भनेर तिर्न जाँदा पनि नगरपालिकाले त्यो बेला पैसा नलिई फर्काएको तर पछि ढाड सेक्ने काम गरेको बताए ।

नगर प्रमुख केही लचिलो हुन खाेज्दाखाेज्दै प्रमुख प्रशासकिय अधिकृतले पेल्ने काम गरेकोले हामी झन मर्कामा परेको अर्का एक व्यवसायीले बताए । नगरपालिकाले पैसा तिर्न सक्ने जति बाट पैसा लिएपछि अन्य तिर्न नसक्ने बाँकी सटरहरूमा पुन भदौ १६ गते टेण्डर खाेलेकाे छ ।
सुरुमा २०७८ कात्तिक देखि नगरपालिकाले बहुउद्देश्यीय भवन बनाउने हाे सटर खाली गराइदिनुस भन्न थालेको व्यवसायीले बताएका छन् । नगरपालिका बाट पटकपटक चिठी आउँदा दाेकानकाे सामान राख्न समेत नसकिएको उनिहरूकाे गुनासो छ । पछि खाली गर्न नमान्नेहरूकाे २०८० / ९ / २३ गते नगरपालिकाले नैं सटर बन्द गर्न थालेको बताइएको छ । भएको सामान ( कपडा) भित्र थुनेर सटर लगाइदिएपछि हामी घर न घाटकाे भयौं , परिवार पाल्न धाै भयो , व्यवसायीलाई बिचल्ली पारियो अर्का एक व्यापारीले भने । व्यापार गर्न नपाएपछि कहाँबाट पैसा ल्याएर तिर्ने ? नगरपालिकाले आफै सटरमा चावि लाउने अनि ल पैसा ले भन्न सुहाउँछ ? ती व्यापारीले आक्राेसित हुँदै भने । त्यही नसकेर फेरि सटर भाडामा लिन नगएको ती व्यापारीकाे भनाइ छ । यता भाडामा लागिरहेको सटर नगरपालिकाकाे आफ्नै बुद्धिले गर्दा झण्डै डेढ बर्ष खाली हुन पुग्दा नगरपालिकालाई करोड घाटा लागेको छ । २०७९ मंसिर देखि नगरपालिकाले लखेटेर बिचल्ली भएका सटर नं इ ८ का व्यवसायीले मात्रै अहिलेसम्मकाे भाडा लगातार तिर्दै आएकाे भए ८ लाख ४८ हजार हुन्थ्यो , त्यही हिसाबले अन्य ६ जना व्यवसायीकाे हिसाब जाेड्दापनि आधा करोड बढी पुग्छ , नगरपालिकाकाे अपरिपक्व निर्णयले आफैलाइ यति धेरै नाेक्सानी व्यहोर्नुपरेको छ भने साथै व्यवसायीकाे पनि विचल्लि भएको छ । सटर लाइन सँगै दाेस्राे तलामा भाडामा बसेका अन्य व्यवसायीलाई पनि नगरपालिकाले हटाएको थियो ।