व्यासका प्रमुख प्रशासकीय अधिकृत गैरेले मुख छाेड्दै धम्की दिएको व्यवसायीकाे आराेप

व्यास नगरपालिकाका प्रमुख प्रशासकीय अधिकृत काशीराम गैरेले व्यवसायीलाई मुख छाड्दै धम्की दिएको व्यवसायीले बताएका छन् । प्रमुख गैरेले कार्यकक्षमा बाेलाएर आक्रामक हुँदै चेतावनीयुक्त शैलीमा धम्की दिएको तरकारी व्यवसायी बिजय पाैडेलले बताए ।

मलाई असाेज ६ गते व्यास नगरपालिकामा छलफल गर्नुपर्ने भएकोले आउनको लागि चिठी आयाे , म छाेरी बिरामी भएकोले ६ गते जान सकिन । त्यसको भाेलिपल्ट ७ गते नगरप्रहरी नैं आएर जाम भनेपछि म नगरपालिकाका प्रमुख प्रशासकीयकाे कक्षमा पुगेँ ।

सुरुमा भनेको समयमा किन नआउनुभएकाे मैले हिजो बाेलाएकाे हैन भनेर भन्नुभयो , मैले छाेरी बिरामी भएर आउन सकिन भनेँ । त्यसपछि मैले पत्र पठाए पछि लिखित दिनुपर्दैन ? भन्न थाल्नुभयाे , अनि सवालजवाफ सुरु भयो । एक्कासि प्रमुख गैरेले तपाई काेहाे ? ठुला कुरा गर्ने ? भनेपछि मैले म तरकारी व्यवसायी हाे भनेँ । त्यसपछि तेराे दाेकान बन्द गराइदिन्छु , ए नगर प्रहरी यसको तरकारी दाेकान खाली गराइदेउ , भेन लगेर तरकारी उठाइदेउ भनेपछि , मेरो दाेकान बन्द किन गराउने , मेरो ऋण , ब्याज तपाईले तिर्दिनुहुन्छ ? भन्ने जवाफ फर्काएको पाैडेलले बताए ।

व्यवसायी पाैडेलले प्रमुख गैरेले मुख छाड्दै धम्की दिएर व्यवसायीलाई आतंकित पार्ने काम गरेको आराेप लगाए ।
भएको केहाे ?

५ गते बिहान वन तथा वातावरण समिति संयाेजक रनसिं नेपालीकाे नेतृत्वमा तरकारी पसलबाट प्लास्टिकका झाेलामा तरकारी दिने गरेर नगरपालिकाकाे प्लास्टिक झाेला मुक्त अभियानलाई असहयोग गरेको भन्दै नगरप्रहरी पुग्याे । नगरप्रहरीले पसलमा छापा मार्याे । तर त्यही बेलामा बिना अनुमति काउन्टर तिर नगरप्रहरी पसेको भन्ने सम्बन्धमा बिवाद भयो ।

यता यस बिषयमा प्रमुख प्रशासकीय अधिकृत काशीराम गैरेसँग सम्पर्क गर्दा अव्यवस्थित रूपमा तरकारी पसल चलाइरहेकाे , बाटो छेक्ने गरि सामान राखेको , प्लास्टिकको झाेला प्रयाेग गरेको जस्ता गुनासो आएपछी बुझ्न पत्र काटी बाेलाउँदा नआएपछी नगरप्रहरी खटाएको प्रतिक्रिया दिए । नगरप्रहरीले ल्याएपछि साेधपुछ गर्दा अनावश्यक रूपमा बढी बाेलेर मलाई किन पत्र पठाएको ? म तरकारी व्यवसायीकाे अध्यक्ष हैन , व्यवसायीलाई मनलाग्दी गर्ने भन्दै ठुला कुरा गरेको उनले बताए ।

बिषयलाई अतिरञ्जीत गरिएको तर यथार्थमा सामान्य साेधपुछकाे सन्दर्भ रहेको भए पनि पछि मुख चर्काे गरेपछि कार्यकक्षबाट बाहिर जान भनेको उनलेे बताए ।