तनहुँका प्रहरी चाैकी इन्चार्जहरूमा सरूवा आतङ्कले जुनियर प्रहरी अधिकृतहरू त्रसित

जिल्ला प्रहरी कार्यालय तनहुँ मातहतका चाैकी इन्चार्जहरूमा भएको सरूवा आतङ्कले जुनियर प्रहरी अधिकृतहरू त्रसित भएका छन् । जिल्ला भित्रका विभिन्न इलाका प्रहरी कार्यालय तथा प्रहरी चाैकी र अस्थायी प्रहरी पाेष्टहरूका इन्चार्जमा मनलाग्दि सरूवाका कारण प्रहरी अधिकृतहरू त्रसित भएका हुन् ।
बिना मापदण्ड चाैकी प्रमुख रहेकालाई अर्को कार्यालयकाे सहायकमा सरूवा गरिदिने र सहायक रहेकालाई प्रमुखमा सरूवा गरिदिने समस्याका कारण प्रहरी अधिकृतहरू ढुक्कसँग आफ्नाे कार्यक्षेत्रमा काम गर्न पाएका छैनन् । छाेटाे समय मात्रै चाैकी इन्चार्ज भइ सरूवाकाे पेलानमा परेका एक अधिकृतले नाम नबताउने सर्तमा तनहुँ प्रेसलाई बताए अनुसार आफुहरूकाे मनाेबल गिराउने काम भइरहेको बताए । पल्टनमा जागिर खाएपछि हाकिमले भनेको आदेश मान्न पर्छ , प्रहरी फाेर्स नैँ माथिकाे आदेश अनुसार चलेको हुन्छ ।
तर यहाँ आफु अनुकुलता सेटिङ भएको आभास भएको छ । हाकिमकाे बिरूद्ध बाेल्याेभने अनुशासनको कुरा उठ्छ । त्यही भएर खटाइएको ठाउँमा रमाना लिएर जानुकाे बिकल्प छैन ।

तनहुँ प्रहरी भित्र अहिले करिब सबै जसाे ठाउँमा प्रहरी इन्चार्ज तथा सहायक हरू सरूवा गरिएको छ ।
हालै मात्रै अन्यायपूर्ण र विभेद गरेर प्रहरी हेरफेर हुनेहरूमा बरिस्ठ सइ देखिका छन् । उनिहरूलाइ दरबन्दी एकातिर र सरूवा अर्कोतिर पारिएको त छ नैं , साथै समय नपुग्दै मनलाग्दि समेत गरिएको छ । हालै मात्रै प्र व ना नी माओत्सेतुङ गूरूङकाे जिप्रका तनहुँ सञ्चारमा दरबन्दी भए पनि उनी दरबन्दीमा बस्न पाएका छैनन् । उनलाई सराङघाट चाैकी पठाइएको छ । यस्तै प्रनानि जिवलाल सुवेदीको इप्रका आँबुखैरेनी सञ्चार दरबन्दी भए पनि इप्रका बन्दीपुर बाट भिमाद पठाइएको छ । यस्तै प्रनानि पदमबहादुर कुमालकाे बाग्लुङ दरबन्दी भए पनि इप्रका सराङघाट रहेकोमा त्यहाँबाट तानेर जिल्लामा खटाइएको छ । प्रनानि उदय राज पाैडेल भिमाद इन्चार्ज बाट आवुखैरेनिमा सहायक , प्रनानि उदयश्वर अधिकारी पाेखरा दरबन्दी भएपनि जिप्रका तनहुँमम रहेकोमा बन्दिपुर खटाइएको छ ।
यस्तै प्रहरी सहायक निरिक्षक नारायण भण्डारीलाई काेत्रे इन्चार्ज बाट तानेर थर्पुकाे सहायक बनाइएको छ भने दिपेश क्षेत्री थापा प्रहरी चाैकि थर्पुकाे सहायक बाट काेत्रेमा इन्चार्ज बनाइएको छ । यस्तै लालबाबु प्रसाद यादवलाई ऋषिङ इन्चार्जबाट देवघाटकाे सहायकमा सरूवा गरिएको छ भने बिसुन चाैधरीलाइ जिल्लाबाट ऋषिङकाे प्रमुखमा पठाइएको छ ।
मानबहादुर महताेलाइ जिल्ला बाट घिरिङ चाैकीमा प्रमुख बनाउँदा त्यहाँ रहेका उमेश कुमार यादवलाई छाब्दी पठाइएकाे छ । मनिष थापालाई छाब्दिवाट जिल्लामा तानिएको छ भने एक प्रसनिलाइ कलेस्ति इन्चार्जमा पठाइएको छ । यस्तै प्रहरी हवल्दार नरबहादुर थापा , प्रहरी सहायक हवल्दार विष्णु रानामगर , विष्णु चाैधरी लगायतका केही जवानहरू समेत यसमा परेका छन् ।

यस सम्बन्धमा जिल्ला प्रहरी कार्यालयका डिएसपी एवम् सुचना अधिकारी अशोक थापा सँग सम्पर्क गर्दा सबै हेरफेर मापदण्डअनुसार नै गरेको बताए । ६ महिना पूरा भएकाकाे नियमित प्रक्रिया अनुसार हेरफेर भएको हाे भन्दै उनलेे अनुशासनमा नवसेका , केही बिवादमा देखिएका र गुनासो आएकाकाे मात्रै हेरफेर भएको जानकारी दिए ।