आन्तरीक विवादले गठवन्धन भित्र उम्मेदवारकाे टुंगो लाग्न सकेन

नेपाल पत्रकार महासंघकाे अधिवेशन अन्तर्गत भाेली उम्मेदवारी दर्ताकाे कार्यक्रम रहेको भए पनि अहिलेसम्म उम्मेदवारहरूकाे टुंगो लाग्न सकेको छैन । काङ्ग्रेस निकट प्रेस युनियन र नेकपा एमाले निकट प्रेस चाैतारीले गठवन्धन गरेको भए पनि त्यहाँ भित्र उम्मेदवार छान्ने बिषयमा व्यापक विवाद भएपछि अन्तिम समयसम्म पनि उम्मेदवारकाे टुंगो लाग्न नसकेको हाे ।

केन्द्रले गरेको भागबन्डा अनुसार तनहुँमा प्रेस युनियनलाई अध्यक्ष भाग परेको छ । तर युनियन भित्र पुर्व अध्यक्ष डम्बरबहादुर अधिकारी , प्रेस युनियनका अध्यक्ष गाेरा मिया , पुर्व अध्यक्ष अमर राज नहर्की र महासंघका उपाध्यक्ष डिपी अधिकारीले दावी गरेपछि उम्मेदवारकाे टुंगो लाग्न नसकेको हाे । युनियनले अध्यक्ष सहित एक उपाध्यक्ष , काेशाध्यक्ष र सदस्य मात्रै पाउने भए पछि पदाधिकारीमा जान इच्छुक उम्मेदवारहरू भित्र समेत असन्तुष्टि रहेको देखिएको छ ।

यता अर्को गठवन्धनमा सामेल प्रेस चाैतारीकाे भागमा अध्यक्ष नपरेको र गठवन्धन गरेर ठुलो धाेका दिएर आफुलाइ अन्याय गरेको भन्दै चाैतारीकै पुर्व अध्यक्ष नारायण खड्का रुष्ट भएका छन् । उनलेे सामाजिक सञ्जाल मार्फत बिराेध समेत गर्दै बिद्रोह गरेर अध्यक्षमा उम्मेदवारी दिने बताएका छन् । यदि गठवन्धन भित्र त्यस्तो भएमा भ्वाङ पर्ने अनुमान केहीले गरेका छन् । चाैतारीले पनि गठवन्धन अनुसार भागमा परेको उपाध्यक्ष , सचिव लगायतको पदमा उम्मेदवार तय गर्न सकेको छैन । चाैतारीका अध्यक्ष बिबी श्रेष्ठले भाेली बिहान पार्टीका नेताहरू सहितको बैठकले उम्मेदवारकाे तय गर्ने बताए ।

यस्तै युनियनका अध्यक्ष गाेरा मियाले पनि उम्मेदवारकाे टुंगो लगाउन भाेली बिहान पार्टी कार्यालयमा छलफल गर्ने बताए ।

यता गठवन्धन भित्र चरम बिवाद देखिएपछि त्यसको लाभ लिएर चुनाव जितिन्छ भन्दै प्रेस सेन्टर हाैसीएकाे छ । सेन्टरका अध्यक्ष एसवी नेपालीले यसपटक गठवन्धन लाई ढलाउने गरि उच्च रणनीतिका साथ तयारी भइरहेको बताए । महासंघको यही मंसिर २८ गते निर्वाचन हुँदैछ ।