छैटौं व्यास नगर मेयर कप व्याडमिन्टन प्रतियोगिता सुक्रवारबाट सुरु

तनहुँकाे दमाैलीमा छैटौं व्यास नगर मेयर कप खुल्ला व्याडमिन्टन प्रतियोगिता सुक्रवारबाट सुरु हुने भएको छ । व्यास नगरपालिका ३ स्थित नवनिर्मित कवर्डहलमा हुने प्रतियोगिताकाे व्यास नगरपालिकाका प्रमुख बैकुण्ठ न्याैपानेले उद्घाटन गर्ने कार्यक्रम रहेको छ ।

व्यास नगर ब्याडमिन्टन क्लवकाे आयाेजनामा हुने प्रतियोगितामा ५० भेट्रान्स तर्फ प्रथम , द्धितीय र सान्त्वना हुने टिमलाई क्रमश ३० हजार , १८ हजार र छ / छ हजार नगदका साथै मेडल , ट्रफी र प्रमाणपत्र प्रदान गरिने आयाेजकले जनाएको छ । यस्तै बि लेवल पुरस्कार हरूमा प्रथम , द्धितीय र दुईवटा सान्त्वना हुने टिमलाई क्रमश ४० हजार , २० हजार र दस / दस हजार नगदका साथै ट्रफी , मेडल र प्रमाणपत्र रहेको छ । प्रतियोगितामा १ सय टिमकाे सहभागीता रहने खेल संयाेजक सुमन श्रेष्ठले बताए ।