नेशनल प्याब्सन तनहुँकाे बिद्यालय स्तरीय नृत्य प्रतियोगितामा दमाैली पब्लिक स्कुल प्रथम

नेशनल प्याब्सन तनहुँकाे बिद्यालय स्तरीय नृत्य प्रतियोगितामा दमाैली पव्लिक वाेडिङ स्कुल प्रथम भएको छ । व्यास नगरपालिका वडा नं ३ स्थित खुल्ला चाैरमा भएको प्रतियोगितामा १५ वटा प्रतिस्पर्धीलाइ पछि पार्दै दमाैली पब्लिक प्रथम भएको हाे । यस्तै प्रतियोगितामा न्यु मनकामना इङलिस वाेडिङ स्कुल दाेस्राे भएको छ भने तृतीय हुनेमा दमाैली सेकेन्डरी स्कुल रहेको छ ।

प्रतियोगितामा सान्त्वना हुनेहरूमा तिनवटा बिद्यालय लर्डबुद्ध एकेडेमी स्कुल , तनहुँ ज्ञानगङ्गा बाेडिङ स्कुल र लालिगुराँस बिद्या सागर बाेडिङ रहेका छन् ।
प्रतियोगितामा प्रथम , द्धितीय , तृतीय र सान्त्वना हुने टिमलाई क्रमशः नगद १६ हजार , १० हजार , ८ हजार र सान्त्वना हुने ३ वटा टिमलाई २ हजार नगदका साथ ट्रफी , मेडल र प्रमाणपत्र प्रदान गरिएको छ । प्रतियोगितामा विजेताहरूलाइ कार्यक्रमका बिशिस्ट अतिथिहरू केन्द्रीय उपाध्यक्ष तिलक ब चाैहान , केन्द्रीय सदस्य सन्त तामाङ , निवर्तमान अध्यक्ष रामकृष्ण विक , जिल्ला अध्यक्ष विशेश्वर खनाल लगायतले पुरस्कार वितरण गरेका थिए ।
यस्तै वेस्ट काेरियाेग्राफरमा दमाैली स्कुलका डान्स टिचर सर्जक थापा बनेका छन् । उनलेे नगद एक हजार प्राप्त गरेका छन् ।
नेशनल प्याब्सन तनहुँका अध्यक्ष विशेश्वर खनालकाे अध्यक्षतामा भएको कार्यक्रमकाे सञ्चालन उपाध्यक्ष विश्वास केसीले र स्वागत अतिरिक्त क्रियाकलाप संयाेजक जयराम अधिकारीले गरेका थिए । त्यसअघि कार्यक्रमकाे उद्घाटन नेपाली काङ्ग्रेसका पुर्व सभापति रघुनाथ पाैडेलले गरेका थिए ।