मातातीर्थ औँसीका अवसरमा लायन्स सत्यवती अध्यक्ष खनाल द्वारा आश्रमका आमाहरूलाइ सारी उपहार

लायन्स क्लब अफ तनहुँ सत्यवतीकी अध्यक्ष पवित्रा खनालले मातातीर्थ औँसीका अवसरमा व्यक्तिगत तर्फबाट र क्लबको तर्फबाट व्यास ५ स्थित वेदव्यास जेष्ठ नागरिक आश्रममा रहेका आमाहरूका लागि भोजन सहित खाद्यान्न र लत्ता कपडा सहयोग गरेकी छन् । महिला उद्यमी संघ व्यास नगर सभापति समेत रहेकी सामाजिक व्यक्तित्व खनालले आमाको मुख हेर्ने दिनमा आश्रमका आमाहरुसँग खुसी साट्ने उद्धेश्यसहित आफूले नयाँ सारी लगायतका लत्ताकपडा र आफ्नै हातले पकाएर खानेकुरा खुवाइ सहयोग गरेको बताइन् ।

यो पवित्र दिनको अवसर पारी उहाँहरुसँग खुसी साटासाट गर्न आँफु यसअघि पनि पटकपटक यहाँका आमाहरूलाइ सहयोग गर्न आएकाे र यसपटकको सहयोग पनि त्यसैको निरन्तरता भएको उनको भनाइ छ । नयाँ सारी लगाउन र मिठो खानेकुरा खान पाउँदा आमाहरू खुसी हुँदै सहयोगी खनाललाई आसिर्वाद दिएका थिए । खनालले यसअघि पनि पटकपटक आश्रममा विभिन्न किसिमका सहयोग गर्दै आएकी छन् ।