आठौं राष्ट्रिय समावेशी म्युजिक अवार्ड सम्पन्न ,दमाैलीकी सुभद्रा काठमाडौंमा सम्मानित

आठौं संस्करणको राष्ट्रिय समावेशी म्युजिक अवार्ड (निम अवार्ड) २०२५ हालै काठमाडौंमा भव्य रुपमा सम्पन्न भएको छ । पावर ईन्टरनेशनल मिडिया नेपाल (पिम नेपाल) को आयोजनामा काठमाण्डौमा सम्पन्न भएको उक्त कार्यक्रममा देशभरिबाट सर्वोत्कृष्ट प्रत्यक्ष दोहोरी गायनमा दमाैलीकी सुभद्रा श्रेष्ठ छनाेट हुन सफल भएकी छन् ।
देशभरिका हरेक बिधाबाट दिइने अवार्ड मध्ये दाेहाेरी क्षेत्रबाट सुभद्रालाइ उक्त अवार्डले सम्मानित गरिएको हाे । सम्मानित सुभद्रालाइ बन तथा वातावरण मन्त्री ऐन बहादुर शाही ठकुरी लगायतका अतिथिहरूले सम्मान गरेका थिए । लाेकदाेहाेरी प्रतिष्ठान नेपाल तनहुँमा रहेकी सुभद्रा लगायत अन्य ७ वटा भाषा र भाका सहितका कुल ४० विधामा ५३ जनालाई अवार्ड प्रदान गरिएको थियो ।
पिम नेपालका सल्लाहकार तथा नेपाल चलचित्र कलाकार संघका अध्यक्ष मोहन निरौलाकाे सभापतित्वमा उक्त कार्यक्रम भएको थियो ।

नेपाली हुनुमा गर्व गरौं कला र संस्कृतिको जगेर्ना गरौं” भन्ने मुल नारा लिएर विगत ८ वर्ष देखि आयोजना हुदै आएको निम अवार्डले नेपालमा बोलीने विभिन्न भाषाभाषिहरुमा बनेका गीत र गीतका भिडियोहरुलाई प्रोत्साहन स्वरुप अवार्ड तथा सम्मान प्रदान गर्दै आईरहेको छ ।