सफा सडक स्कुटर दुर्घटनामा गम्भीर घाइते दुईलाई पाेखरा रिफर , एक फरार:
आइतवार साँझ ७ बजे ब्यास न.पा ३ सफा सडक स्थित भित्री सडक खण्डमा भएको स्कुटर दुर्घटनामा घाइते भएका दुई जनालाई पाेखरा रिफर गरिएको छ ।
अनसन चौतारीबाट सफासडक तर्फ आउदै गरेको ग १९ प ५३२१ नं. स्कुटर(३ जना सवार) र बिपरित दिशाबाट जादै गरेको ग १८ प ३४४७ नं. को स्कुटर एक आपसमा ठक्कर खाई दुर्घटना हुदाँ गम्भीर घाईते भएका दुइजना लाई थप उपचारको लागि पाेखरा लगिएको हाे । दुर्घटनामा दुबै सबारी साधन क्षति भएको र हाल प्रहरीको नियन्त्रणमा रहेको तथा ग १९ प ५३२१ नं. स्कुटर चालक फरार भइ खो.त कार्य भई रहेको प्रहरीले जनाएको छ ।
दुर्घटनामा घाईते:-
१) ग १९ प ५३२१ नं. स्कुटर पछाडी सवार ब्यास न.पा ३ बस्ने बर्ष २७ को निजाम मिया तल्लो ओठमा चोट, अबस्था सामान्य, ऐ.१९:५० बजे जि. अस्पताल दमौली ल्याई उपचार भई रहेको ।
२) पछाडी सवार ऐ. बस्ने बर्ष १२ को सलमान मिया नाकमा चोट ,अबस्था मध्यम, ऐ.१९:५० बजे जि. अस्पताल दमौली ल्याई उपचार भई रहेको ।
३) ग १८ प ३४४७ नं. को स्कुटर चालक ब्यास न.पा १ भादगाँउ बस्ने बर्ष २१ को बिबेक दराई कानमा र हातमा चोट ,अबस्था सामान्य ,ऐ.२०:३० बजे पोखरा रिफर ।
४) ऐ. स्कुटरमा पछाडी सवार ब्यास न.पा २ बस्ने बर्ष १६ कि अंशु मगर टाउकोमा,अनुहारमा, चोट माथिको २ वटा दाँत भाचिएको, अबस्था मध्यम,ऐ.१९:२५ बजे पोखरा रिफर ।
