मुग्लिन–पोखरा सडकको पूर्वी खण्डमा कालाेपत्रकाे काम सकिएपछि खुसी साटासाट

गण्डकी प्रदेशको मुटु मानिने मुग्लिन–पोखरा सडकको पूर्वी खण्डमा अब धुलो, हिलो र जामको विगत केवल सम्झनामा सीमित हुने भएको छ । मुग्लिन–पोखरा सडक आयोजना अन्तर्गतको पूर्वी खण्डको चार लेनको कालोपत्रको काम सकिएपछि निर्माण कम्पनीले खुसी साटासाट गरिएको दृश्यले यो विकास यात्राको सफलताको संकेत दिएको छ । पूर्वी खण्डको आँबुखैरेनीदेखि जामुनेसम्मको ४१.५ किलोमिटर दूरीमा फैलिएको यो सडक खण्डको कालोपत्र कार्य पूरा भएसँगै निर्माण कम्पनी चाइना कम्युनिकेसन कन्स्ट्रक्सन ले एक अनौपचारिक कार्यक्रमको आयोजना गर्दै यो उपलब्धिलाई मनाएको हो।

कार्यक्रम बन्दीपुर गाउँपालिका–४, विमलनगर मा आयोजना गरिएको थियो, जहाँ निर्माण कम्पनीका प्रतिनिधि, परामर्शदाता, प्राविधिक कर्मचारी तथा श्रमिकहरूको उपस्थिति थियो ।