आँबुखैरेनीमा महिला सुरक्षा, आत्मरक्षा तथा अधिकार सम्बन्धी सचेतना कार्यक्रम सम्पन्न

आँबुखैरेनीमा महिला सुरक्षा, आत्मरक्षा तथा अधिकार सम्बन्धी सचेतना कार्यक्रम सम्पन्न भएको छ ।
महिला तथा किशोरीहरू दिनानुदिन विभिन्न प्रकारका सामाजिक, शारीरिक तथा साइबर हिंसाको जोखिममा परिरहेकाे वर्तमान परिवेशमा, तिनीहरूलाई सुरक्षा बारे सचेत गराउने, आत्मरक्षा गर्न सक्ने बनाउने र उनीहरूका मौलिक अधिकारबारे जानकारी प्रदान गर्ने उद्धेश्यले उक्त कार्यक्रम गरिएको हाे ।

इलाका प्रहरी कार्यालय आँबुखैरेनीका प्रमुख प्र.नि. टेक प्रसाद सुवेदीको कमाण्डमा खटिएको टोलीले समुदाय–प्रहरी साझेदारी कार्यक्रम अन्तर्गत आँबुखैरेनी गाउँपालिका वडा नं. ३ स्थित राम शाह माध्यमिक विद्यालयसँग समन्वय गरी उक्त विद्यालयमा कक्षा ११ र कक्षा १२ मा अध्ययनरत छात्राहरू लक्षित गरी “महिला सुरक्षा, आत्मरक्षा तथा अधिकार” सम्बन्धी विद्यालयस्तरीय सचेतना कार्यक्रम संचालन गरिएको हाे ।

कार्यक्रममा का.प्रमुख प्र.नि.टेक प्रसाद सुवेदी र प्र.स.नि. धन बहादुर थापाले मुख्य प्रशिक्षकको रुपमा सहभागी विद्यार्थी छात्राहरुलाई आफ्नो व्यक्तिगत सुरक्षा सम्बन्धमा सचेत बनाउने, आत्मरक्षा गर्न सक्ने सीप र आत्मबल विकास गराउने, यौन तथा साइबर हिंसाबाट जोगिन आवश्यक सतर्कता र उपायबारे जानकारी दिनुका साथै, विधमान कानुनले महिलालाई दिएको संरक्षण र अधिकारबारे अवगत गराएका थिए ।