बुवा सँगै तीनवटै छोरी शिक्षक
तेह्रथुम जिल्लामा बुबा सँगै तिनवटै छाेरी शिक्षक पेशामा लागेका छन् । जिल्लाकाे छथर गाउँपालिका वडा न. ६ सुदापमा बुवा गोविन्द बहादुर कटुवाल सहित तीन जना छोरी पनि शिक्षक पेशामा रमाइरहेका हुन् । बुवा शिक्षक भएका कारण बुवाबाटै प्रभावित भएर आफूहरू तीनैजना शिक्षक बनेकाे उनिहरू बताउँछन् ।
जेठी छोरी रचना कटुवाल नेपालीबाट, माइली छोरी लक्ष्मी कटुवाल गणितबाट र कान्छी छोरी इन्दिरा कटुवाल अङ्ग्रेजीबाट स्नातकोत्तर हुन् । शिक्षक सेवा आयोगको परीक्षा उत्तीर्ण गरेर तीनै जना छोरी छथर गाउँपालिका अन्तर्गत रहेका विद्यालयमा स्थायी शिक्षक बनेर शिक्षण गरिरहेका छन् ।
तस्बिर :- सामाजिक सञ्जाल
