आँबुखैरेनी गाउँपालिकाद्वारा ७९ जना विद्यार्थीलाई छात्रवृत्ति वितरण

तनहुँको आँबुखैरेनी गाउँपालिकाले कक्षा ११ र १२ मा अध्ययन गर्ने ७९ जना विद्यार्थीहरूलाई छात्रवृत्ति वितरण गरेको छ ।
गाउँपालिकाले गरीब र जेहेन्दार विद्यार्थीहरूका लागि कक्षा ११ र १२ मा अध्ययन गर्ने ७९ जना विद्यार्थीहरूलाई प्रति विद्यार्थी रु. १० हजार का दरले रु. ४ लाख ९० हजार काे छात्रवृत्ति रकम वितरण गरिएको शिक्षा, युवा तथा खेलकुद शाखा प्रमुख निर्मला कुँवरले जानकारी दिइन् ।
गाउँपालिका अध्यक्ष शुक्र चुमानको अध्यक्षतामा आयोजित छात्रवृत्ति वितरण कार्यक्रममा गाउँपालिका उपाध्यक्ष दुर्गा अर्याल, प्रमुख प्रशासकीय अधिकृत विष्णु प्रसाद शर्मा, वडा अध्यक्षहरू, कार्यपालिका सदस्यहरू, कुमारी बैंकका शाखा प्रबन्धक र कर्मचारीहरू, विद्यालयका प्रधानाध्यापक, अभिभावक र विद्यार्थीहरूको उपस्थिति रहेको थियो।

छात्रवृत्ति वितरण कार्यक्रममा गापा अध्यक्ष शुक्र चुमानले शिक्षाले मात्र व्यक्तिको जीवन परिवर्तन गर्न सक्ने बताए । हामीले समाजका गरीब र जेहेन्दार विद्यार्थीहरूको उच्च शिक्षा प्राप्त गर्ने अवसरमा सघाउ पुर्याउने गरि काम गरेको र याे हाम्रो जिम्मेवारी भएको उनलेे बताए । गाउँपालिकाले आगामी दिनहरूमा पनि यस प्रकारका शैक्षिक पहलहरूमा निरन्तरता दिनेछ, जसले विद्यार्थीहरूको भविष्य उज्जवल बनाउने छ।”
उनले थपे, “यो रकम सानो भए पनि, विद्यार्थीहरूको शिक्षामा सकारात्मक प्रभाव पार्न र उनीहरूको आत्मविश्वास बढाउन महत्त्वपूर्ण छ। हामी सबै मिलेर यस्तो सहयोगी वातावरण सिर्जना गर्दै जानु पर्छ जहाँ हरेक विद्यार्थीले आफ्नो क्षमता अनुसार उच्च शिक्षा प्राप्त गर्न सकून्।”