भदौ ४ गते म्याग्दे गाउँपालिका स्तरीय खुल्ला तीज गीत प्रतियोगिता हुने
महिलाहरूकाे महान् पर्व हरितालिका तीजको अवसरमा म्याग्दे गाउँपालिकाकाे आयाेजनामा यही भदौ ४ गते म्याग्दे गाउँपालिका स्तरीय खुल्ला तीज गीत प्रतियोगिता हुने भएको छ । म्याग्दे सभा हल वडा नं ३ ठुलो बगैंचामा हुने प्रतियोगिता बिहान १० बजेबाट हुने बताइएको छ । प्रतियोगितामा प्रथम पुरस्कार १८ हजार र प्रमाणपत्र , द्धितीय पुरस्कार १५ हजार र तृतीय पुरस्कार १२ हजार तथा सान्त्वना पुरस्कार ७ हजार तथा सहभागी टिमलाई १ हजार र प्रमाणपत्र दिइने गाउँपालिकाले जनाएको छ ।
प्रतियोगितामा सहभागी हुनका लागि टिम दर्ता भदौ ३ गते साँझ ५ बजेसम्म गरिसक्नुपर्ने गाउँपालिकाले जनाएको छ ।
