चितुवाको आक्रमणबाट बाहुनपाेखरामा २२ बर्षीय पौडेल घाइते
चितुवाको आक्रमणबाट बुधबार साँझ तनहुँकाे व्यास नगरपालिका–८ बाहुनपोखरा निवासी बर्ष २२ की आशिका पौडेल घाइते भएकी छन् ।
खाना खाएर साँझ करीब ८ बजे बाहिर भाँडा माझ्न लागेको समयमा चितुवाले आक्रमण गरेको कार्यवाहक वडाध्यक्ष रामप्रसाद मिश्रले जानकारी दिए। चितुवाले आक्रमण गरेको थाहा पाए लगत्तै निजको पतिले होहल्ला गरेपछि चितुवा भागेको उनले बताए ।
चितुवाको आक्रमणबाट महिलाको स्तन,पाखुरा र साप्रामा चोट लागेको र तत्कालै मोटरसाइकलमा राखेर लमजुङ्गको दुई पिप्ले अस्पतालमा उपचार गरी ल्याइएको छ ।
जिल्लामा आठ वर्षको अवधिमा १६ बालबालिकाको मृत्यु भएको छ भने यो घट्ना संगै २२ घाइते भएका छन् ।
