भैलाे खेलेको पैसा बचाएर म्याग्दे डान्स स्टुडियोले गर्याे उज्यालो घरमा न्यानो कपडा सहयोग
भैलाे खेलेर संकलन भएको पैसाले म्याग्दे डान्स स्टुडियोले सामाजिक क्षेत्रमा काम गरेको छ । भैलाे खेलेर संकलन भएको पैसाले घुमफिर गर्ने , अनावश्यक ठाउँमा फजुल खर्च गर्ने भन्ने भनाइ एवम् आराेपलाइ चिर्दै म्याग्दे डान्स स्टुडियोले सामाजिक क्षेत्रमा रचनात्मक काम गरेको हाे ।
म्याग्दे डान्स स्टुडियोले ब्यास-१० बैरेनिमा अबस्थित उज्यालो घरमा पुगेर २३ हजार बराबरको न्यानो कपडा सहयोग गरेको डान्स स्टुडियोका प्राेपाइटर सुजन श्रेष्ठले बताए । हामीले उज्यालो घर नामक संस्थाले अनाथ बालबालिकाको संरक्षण र पालनपोषणका लागि गरिरहेको अतुलनीय कार्यमा केही सहयोग हाेस् भनेर सहयोग गरेका हाैँ श्रेष्ठले भने ।
